燈籠滷味 T.P.E. (M88) (已結業)

去台灣旅行，必食嘅當然係佢嘅台灣滷味，燈籠滷味嘅裝修風格，超有台灣懷舊味道，門口仲放滿左台灣特色小食嘅燈箱，超搶眼餐廳環境都好闊落，枱與枱之間空間感十足，好啱一班朋友過嚟食飯傾偈，全間餐廳都播緊台灣歌手嘅歌曲，有真係置身於台灣嘅感覺✨蔗香台式牛肋條湯冬粉$98見到Menu有個每天限量推介，當然唔可以錯過，蔗汁牛肋條湯底第一次飲，飲落非常清甜，清甜嘅味道來自於竹蔗嘅天然甜味，仲有淡淡牛肉香香，湯底已經值得100分，冬粉完全吸收晒湯底嘅香味，係絕佳配搭，蘿蔔炆得好入味，一啲渣都冇，有三大嚿牛肋條，肉塊上方有一層白色的筋膜，燉煮後入口即化，口感超嫩✨豪吃自由配搭牛筋肉+牛肚+豬腸+手工烏龍麵$78本身餐廳有招牌滷味推介，但係亦都可以比客人自由配搭，我哋揀咗三款最招牌嘅餸菜，滷水汁好濃郁，但係唔會過鹹，每種材料都炆到好淋好入味，烏龍麵煙煙韌韌好彈牙，完全吸收晒湯汁嘅味道✨奶油芋泥肉鬆芝士蛋餅$68蛋餅係台灣最經典嘅菜式，芋泥肉鬆同蛋餅係最夾㗎，肉鬆甜甜地，芋泥好creamy，配埋蛋餅上邊嘅沙律醬及醬油膏一齊食，絕對有驚喜