台灣ET鹽水雞 (符興街) (已結業)

喺附近經過見到呢間cp值極嘅高超值下午茶餐，只需三十三蚊咁抵既價錢已經包咗半份雞+一份配菜+白飯/冷麵，再送冷泡茶一支雞非常入味，肉質嫩滑唔會有鞋口嘅感覺，配菜我揀咗香港比較小地方食到但台灣人非常鐘意嘅甜不辣，甜不辣口感有啲煙煙銀銀好過癮，以下午茶嚟講份量一啲都不算少，然後我揀咗冷麵，冷麵加上醬汁非常開胃，同正宗台灣嘅鹽水雞做比較味道真係幾乎一樣，必定係我夏天最鐘意食嘅食物之一，再飲啖冷泡茶簡直係透水涼店舖嘅付款方式都非常方便，唔止有現金、八達通，仲有微訊同支付寶付款，店舖都有做戶戶送嘅服務，住附近嘅朋友都不妨試一試。