影片
更多
2020-03-22
2040 瀏覽
What to eat 吃什麼 (4.8/5) 🌕🌕🌕🌕🌖推薦程度：🔥🔥🔥🔥🔥 (5🔥為最高)好耐都想去食咖啦，佢哋嘅故事好多人都認識🥺，由兩位台灣媽媽開嘅台灣菜餐廳，從請坐去到吃什麼，仍然好多捧場客，台灣嘅住家飯唔知好唔好味呢🤔❓我叫左滷肉飯(小碗)($29)同埋起司蛋餅($39)。未講食物之前，由”請坐”已經有留意到佢地，我想去食個時佢哋因商場糾紛而停業😕。本來以為無機會去食，一知道佢哋開咗新店what to eat就即刻去食。位置係大館附近，砵典乍街隔離雲咸街，What to eat 再次奪得米芝連嘅車胎人美食(2019-2020)，佢哋故事就好勵志，唔知味道又點呢滷肉飯(小碗)($29) (5/5) 🌕🌕🌕🌕🌕價錢黎講好抵食，仲要係依個中環區絕對係抵食，至於賣相唔洗多講啦，十足似係台灣食嘅滷肉飯，滷肉份量幾多，一見到啲肥肉就流晒口水啦，即刻試吓個味先，第一啖食落去已經好滿足，又有肥又有瘦，煙韌又香口，滷肉夠晒入味，唔會好鹹，撈飯食真係一流，滷肉汁覆蓋晒成個飯，粒粒飯都有滷肉汁。吃到停唔到口，一啖又一啖咁食落口，好滿足好幸福，唔洗去台灣都食到咁正嘅滷肉飯，食個時以為自己係台灣，一
推薦程度：🔥🔥🔥🔥🔥 (5🔥為最高)
好耐都想去食咖啦，佢哋嘅故事好多人都認識🥺，由兩位台灣媽媽開嘅台灣菜餐廳，從請坐去到吃什麼，仍然好多捧場客，台灣嘅住家飯唔知好唔好味呢🤔❓
我叫左滷肉飯(小碗)($29)同埋起司蛋餅($39)。未講食物之前，由”請坐”已經有留意到佢地，我想去食個時佢哋因商場糾紛而停業😕。本來以為無機會去食，一知道佢哋開咗新店what to eat就即刻去食。位置係大館附近，砵典乍街隔離雲咸街，What to eat 再次奪得米芝連嘅車胎人美食(2019-2020)，佢哋故事就好勵志，唔知味道又點呢
滷肉飯(小碗)
$29
59 瀏覽
0 讚好
0 留言
滷肉飯(小碗)($29) (5/5) 🌕🌕🌕🌕🌕
價錢黎講好抵食，仲要係依個中環區絕對係抵食，至於賣相唔洗多講啦，十足似係台灣食嘅滷肉飯，滷肉份量幾多，一見到啲肥肉就流晒口水啦，即刻試吓個味先，第一啖食落去已經好滿足，又有肥又有瘦，煙韌又香口，滷肉夠晒入味，唔會好鹹，撈飯食真係一流，滷肉汁覆蓋晒成個飯，粒粒飯都有滷肉汁。吃到停唔到口，一啖又一啖咁食落口，好滿足好幸福，唔洗去台灣都食到咁正嘅滷肉飯，食個時以為自己係台灣，一啲都唔誇張，無論環境定滷肉飯都好似身處台灣，食完真係唔夠喉，食多個都仲得。大家真係唔夠喉 ，建議Lunch time先去食，Lunch set 先有滷肉飯(大碗)，價錢就貴好多要$68，不過真係好好食，係我食過最好食嘅滷肉飯，下次係Lunch time黎多次先⋯⋯
起司蛋餅
$39
68 瀏覽
0 讚好
0 留言
起司蛋餅($39) (4.5/5) 🌕🌕🌕🌕🌗
賣相幾好，切好晒一件件。蛋餅係台灣嘅早餐，望落去普通不過，食落去芝士🧀同蛋餅已經溶為一體，每啖都有芝士🧀，芝士味唔濃唔會搶走曬個蛋味🤤，蛋整得啱啱好，唔會煮到好老，雖然望落去好似好容易整，但係其實一樣係好考功夫。蛋餅有好多隻唔同口味，本身鍾意起司就揀依個喇，玉米同肉鬆蛋餅都多人揀⋯⋯
平凡媽媽煮嘅台灣菜，無論佢哋嘅故事，以及食物味道，都能夠吸引更多人慕名而來。滷肉飯好出色，係我食過最好食嘅滷肉飯，蛋餅都好出色。推薦大家去what to eat 吃什麼 食滷肉飯同埋個蛋餅⋯⋯
張貼
