哈豆

營業中

休息中

之前睇YouTube 見有人介紹呢間叫「哈豆」既台式餐廳，話老闆係好多年前黎香港開業，正宗台灣味，今次黎開觀塘就黎試下，一搵之下原來有兩間「哈豆」見餐牌一樣，應該係分店黎，咁於是就去左近啲嗰間，入到去發現好似同youtube 介紹嗰間唔係好同，應該係分店，都照入去。今次早去，入去既時間無咩人，所以睇唔到人地食咩做參考，咁就食返平時食台灣野會叫既：鹽酥雞乾拌麵第一個感覺係好多菜，好少見出街食野俾咁多菜，真心加分，肉燥都夠撈麵，個麵既味道同平時其他台式餐廳唔係好同，佢呢個既口感同味道都好家庭feel，有種係媽媽煮既感覺。個鹽酥雞正正常常，唔同平日咁多味粉，但感覺上都幾健康既。豆漿紅茶 少糖少冰野飲唔洗加錢既選擇唔多，飲其他要加幾蚊，我咁孤寒就梗係飲唔洗加錢。第一次飲豆漿紅茶，比想像中好味，出奇咁夾，下次叫半糖應該再正啲，始終台灣既都係比較甜。話說一晏左就好多人，要等位添，早啲去好。