鮮芋仙 (已搬遷) 新店位置

😌 小編依晚同朋友喺尖沙咀早少少食完晚飯，8點幾去咗排想試好耐嘅鮮芋仙當宵夜甜品。［ 亂闖試食 ］🍧 芋頭4號 😋😋😋😋揀咗芋頭、紅豆同珍珠嘅配搭，本身每款仙草系列已有雙色芋圓同刨冰。👍🏻兩大舊手工芋頭好香，咬落軟身；紅豆煮得腍身，仍有咬口，食落甜甜地；珍珠細細粒，但都幾韌下😅，最後冇食晒；雙色芋圓係地瓜(即係蕃薯）同芋頭口味，口感彈牙。店內冷氣都好凍下，但刨冰都溶得好快，好快變糖水，甜味似台灣冬瓜茶嘅甜。☺️ 整體算係大碗，不過唔知點解個碗邊會咁多抹唔甩嘅跡…… 🙈宵夜 💵 約港幣$50/人💁🏻‍♀️ 等咗大約15分鐘就有位，坐低前要喺收銀處先落order，所以要去食嘅朋友，排隊時好諗定食邊款。全港已有十幾間分店，如果經過開唔多人排隊，都值得一試！😉🙆🏻‍♀️ 最後，喜歡嘅話，歡迎follow @foodirectory.hk！