KiKi麵店 (K11 Musea)

營業中

休息中

胡麻棒棒腿拌小醋麵 $118由米芝連二星名廚小西充創作，絕對係夏日炎炎嘅涼麵主打。麵質彈牙煙韌，食落好清爽又唔張口，雞腿肉唔乾但未至於水嫩嫩。芝麻醬+香醋嘅配搭非常之有驚喜，醬汁帶芝麻香，後勁有淡淡嘅醋酸，啱晒熱天食，而且醬汁份量恰到好處，唔會食到成嘴都係汁。$118嚟講，定價係有少少貴😢脆皮大雞排飯 $88大！好大塊雞排，外面嘅炸衣偏厚，但脆度100分。肉質唔會乾柴，而且唔會油腍腍，加埋表面嘅辣粉，非常惹味，可惜白飯質素差，鬆散又冇飯香。寶島滷大排飯 $88寶島指嘅係台灣，而滷大排絕對係去台灣旅行必食之一。大大塊肉排，主要食滷水味，滷水醬香而唔會死鹹，外面薄薄一層炸衣完美鎖住肉汁，絕對唔會覺得乾柴，但白飯依然差。