忠孝東路

營業中

休息中

Lunch time有唔少打工嘅食忠孝東路，經過見到唔少枱都有叫鳳梨黑醋排骨配珍珠白飯，望落都幾好食。今日咁啱坐到大枱沙發位，非常舒服又闊落。服務都好唔錯，有禮貌而且好勤力，唔會揸流攤。80蚊左右可以食到台灣野包野飲，又冇加一服務費，服務又幾好，其實比起好多同類型嘅餐廳嚟講，係幾抵食。*香蔥魯肉拌麵 $83大大碗拌麵，麵條份量多，滑溜又有啲煙韌。滷肉份量都好多，瘦肉肥肉8:2，因為冇豬皮碎嘅關係，所以唔會張口，加埋青瓜絲絕對唔會食到膩。味道恰到好處，唔會太鹹，但滷水醬油味唔夠香。跟餐香辣小黃瓜：可以一試，少少辣+蒜香+爽脆。跟餐豆漿：少少甜，有啲豆香，飲完涼浸浸。