影片
更多
2018-09-04
3904 瀏覽
何家小姐踩過界～～飲食界都要分一杯羹，係引入係台灣已經有五十幾年歷史既玖五牛肉麵，今日終於有機會試下！當然有老闆娘同佢班好朋友名星幫佢加持內裡光線充足係自己用Marker畫黎點菜滷味3款 $38揀左甜不辣、滷蘿蔔、滷蛋。本身以都係凍盤，但原來都係熱食，入口滷水味比較淡，同埋醃得唔夠入味，但本身個滷水汁好杰，就咁食落去有陣蠔油味豆魚 $32屬於手工菜，餐牌上寫每日限量50份。豆魚其實唔係真係魚，而係佢擺盤好似一條魚咁，係用腐皮包芽菜，外層腐皮好薄身，仲會煎至微焦，內裡就包住芽菜，淋上芝麻醬，看似簡單但入口滋味，呢款小食都值得一試麻辣鴨血 $32呢個最有驚喜！鴨血都好大件，一放入口已經食到個辣味而且索哂D汁，咬口比起豬紅更有彈性，外層少少硬咁，內裡就好彈牙，必點！招牌三合一 (紅燒湯底) $95三合一即係牛腩、牛肚同牛筋。首先試下個湯底，據說用上大量材料熬足超過48小時，一呷牛味都算重，湯頭有層油但唔算厚，帶股酸酸尾尾味道，幾開胃，但係感覺同係台灣食過紅燒牛肉麵唔係好一樣，可能據之前新聞報道話因香港人口味調整過？而麵條係特別訂製，湯麵既麵條形狀係扁而窄的陽春麵條，食落軟硬度適中。至
當然有老闆娘同佢班好朋友名星幫佢加持
內裡光線充足
係自己用Marker畫黎點菜
滷味3款 $38
揀左甜不辣、滷蘿蔔、滷蛋。本身以都係凍盤，但原來都係熱食，入口滷水味比較淡，同埋醃得唔夠入味，但本身個滷水汁好杰，就咁食落去有陣蠔油味
豆魚 $32
豆魚
$32
40 瀏覽
0 讚好
0 留言
豆魚
$32
32 瀏覽
0 讚好
0 留言
豆魚
$32
46 瀏覽
0 讚好
0 留言
屬於手工菜，餐牌上寫每日限量50份。豆魚其實唔係真係魚，而係佢擺盤好似一條魚咁，係用腐皮包芽菜，外層腐皮好薄身，仲會煎至微焦，內裡就包住芽菜，淋上芝麻醬，看似簡單但入口滋味，呢款小食都值得一試
麻辣鴨血 $32
麻辣鴨血
$32
25 瀏覽
1 讚好
0 留言
呢個最有驚喜！鴨血都好大件，一放入口已經食到個辣味而且索哂D汁，咬口比起豬紅更有彈性，外層少少硬咁，內裡就好彈牙，必點！
招牌三合一 (紅燒湯底) $95
三合一即係牛腩、牛肚同牛筋。首先試下個湯底，據說用上大量材料熬足超過48小時，一呷牛味都算重，湯頭有層油但唔算厚，帶股酸酸尾尾味道，幾開胃，但係感覺同係台灣食過紅燒牛肉麵唔係好一樣，可能據之前新聞報道話因香港人口味調整過？而麵條係特別訂製，湯麵既麵條形狀係扁而窄的陽春麵條，食落軟硬度適中。至於主角牛既味道，牛筋，有三大條，有兩條口感一般，好粉，反而最後一條口感唔錯，幾稔身而又有嚼勁；而牛腩，都有8-10件，反而牛味唔重，有啲過老；牛肚就比其他兩者出色，口感爽脆亦掛汁
牛肚麵 (乾拌) $88
試左湯底，另外試一個乾拌，係用豆干粒、肉燥等10幾款配料做成醬汁，再加左少少紅燒牛骨湯拌麵醬汁，所以同紅燒湯底一樣都係偏酸，因為中式拌麵汁黎講以咸同辣居多，酸既反而係泰式會常見D，佢有少少似後者，但又唔係泰式，拌麵汁份量都夠，每條麵都沾得上。而麵條又會同湯麵既唔同，係形狀比較粗同圓既拉麵，食落比湯麵既陽春麵條彈牙一啲。另外，MENU 上都有得比你免費加麻辣醬同辣椒醬，我就試左個麻辣醬，味道好重好咸，唔加比較好食
冬瓜珍珠奶茶 $30
冬瓜珍珠奶茶
$30
26 瀏覽
0 讚好
0 留言
我自己比較少飲冬瓜茶配珍珠，仲要再配上奶茶，所以就點黎試下，同埋係用白珍珠，即係用番薯粉搓成。飲落冬瓜茶味道比較淡，奶味有但唔濃，雖然係咁，但兩者既比例岩岩好，飲落好舒服，唔會覺得膩，而且白珍珠比起黑珍珠更有嚼勁更QQ，唔錯
冬瓜檸檬珍珠茶 $30
呢個就似凍檸茶加左少少冬瓜茶味，個人覺得冬瓜珍珠奶茶正啲
每人$170左右，食到好飽
整體而言，同台灣所食到既味道係有啲出入，可以做得更好，但以價錢同地理位置，加上老闆娘既名聲而言都值得支持，而比起佢既牛肉麵，小食鴨血同豆魚以及冬瓜珍珠奶茶更得我心
題外話/補充資料：
餐廳用七彩顏色既膠杯提供水比客人，但呢款膠杯好易藏左啲味道入去，是次光顧既時候所提供既膠杯就係有股味道....建議改用玻璃杯會好啲
(以上食評乃用戶個人意見 , 並不代表OpenRice之觀點。)
張貼
