橘焱胡同燒肉夜食 (已結業)

朋友上次去台灣已經想食，但係太多人冇book位所以食唔到，佢知道香港都開左就預早book好枱叫埋我一齊去試下。餐廳唔太大，坐到40-50人左右，我地食左2.5鐘先食完，所以一定要book定位唔係真係會摸門釘。餐廳好貼心有晒lock比我地放袋jacket唔怕d衫吸晒味。我地4人坐枱就冇炭爐喇，坐bar 枱先有。我地都叫左好多款，有豬有牛，其實仲有雞羊海鮮類，不過我地就冇試喇。佢會有比檸檬汁（解油膩），蔥花比我地調味。第一個好值得試嘅係鹽蔥牛舌。店只話唔洗咁熟，5-6成熟已經夠，真係，平時自己燒過晒火喉，熟晒黑晒，今次終於食到牛舌個真實口感。另外就到扇子肉，睇到脂肪比側岩岩好，肥瘦均衡，亦都係燒到五成左加，牛味濃，嫩滑，好味。之後就到霜降松阪豬，相比牛肉，豬肉價錢平民好多，但質素唔差，睇到佢嘅霜降紋路。用黎夾菜食，豬味重，再加少少檸汁，好refreshing.最值得推介係牛五花，我地揀左烤肉醬，超級好味。佢係有入口即溶唧口感，好林好好味，我地再番叫多一碟。手羽先都要叫，佢係去左骨（當然雞翼尖係去唔到骨啦），職員慢左少少幫我地睇火，見到黑左少少，都即刻offer送番2隻比我地，好貼心的台灣人