湯•米 (已易手) 新餐廳

📸#tagnshare旺角篇- 《台灣特式鍋物🍲》食鍋物又多一間新選擇，我地就坐係近門口既位置，真心間野多人排隊加勁吸引。趁我地係18:30咁早未太多人，即刻係9款鍋物入面揀左《泰式海鮮鍋》同埋《咖喱奶蓋鍋🥘》! 張枱唔係好大張，剛好放到兩個鍋! 鍋物入面有超過十種既食材，魚皮索左湯好好味、薯仔煮到粉粉既、雲耳娃娃菜豆腐枝竹... 太愛佢地既湯底，好在鍋物包括埋粉絲或者公仔麵，可以吸盡...哂佢既湯😂😂 除左鍋物，仲食左酥炸花枝墨魚丸同埋柚子雞翼。食物既價錢都唔算貴既，不過雖然鍋大大，但係配菜較多，男仔可能未必夠食，建議可以配白飯做湯飯，都好正!重點來了!!餐廳另一特別就係台式飲品，堅高質! 堅唔HEA! 😌 揀左芝士桃桃🍑同埋芝士茶茶八號👈🏻你要試!!!! 八種茶葉做底，你會愛上的♥️-🙋🏻‍♀️高妹小編- 👇🏻地址👇🏻.湯•米 (旺角)旺角豉油街60-104號鴻都大廈地下