燈籠滷味 (朗豪坊)

營業中

休息中

成日食車仔麵，今日轉轉口味去食台灣滷味！台式餐廳光猛乾淨，店內有懷舊裝飾，加上播住台灣歌曲，一入去就好有台灣feel 😌🔸招牌燈籠滷味自選菜式牛筋肉、蹄膀筋肉分明，煮得入味！值得一提，並非滷到非常軟腍，保持肉質，同脂肪部位口感比例好好！水蓮台灣特色蔬菜，類似幼身韭菜，非常爽脆👍🏻白蘿蔔必點！蘿蔔入味就係基本，但佢仲帶清甜！大愛百頁豆腐、大豆皮百頁豆腐同大豆皮都入味！大豆皮更帶有淡淡豆香～甜不辣口感煙靭，台灣特色小食之一～每次都必選！ 冬粉配搭冬粉（粉絲）更加能夠吸入湯汁，正！一碗滿滿，非常澎湃！滷湯甘香，並唔會油膩！店內辣椒醬更成為亮點🌟喜歡辣嘅朋友記得一試，真材實料香辣！🔸古早冬瓜檸檬冬瓜茶配上檸檬，更加清爽解油膩！同一般手搖飲品一樣，可以揀選少冰或少甜或微甜👍🏻總括🔹食物品質中上，有料豐富。座位寬闊，鐘意台灣美食嘅朋友可以嘗試。