小倆口台式漢堡蛋餅專賣店 (已結業)

香港賣台式蛋餅或手抓餅既餐廳多數都係小店，沒有座位，只供外賣。但今次呢間雖然都係小店，但入面有雅座，坐到十人左右，裝修簡單乾淨。我同女友各自叫一個套餐，我既套餐有蛋餅加黑糖奶茶，奶茶非常香滑，甜度啱啱好。至於蛋餅雖細份，但用料十足，每一啖都嚐到厚厚既煎蛋同煙肉，加上餅皮有啲煙韌，味道一流！女友就叫左手抓餅套餐，賣相特別，同我平時係街食既不同，煎得非常香口，用料亦十足。以台灣食物黎講大家可能覺得偏貴，但一個套餐非常飽肚，加上這類小店喺香港買少見少，值得支持。