龍鳳號 (裝修中)

每次掛住去台灣旅遊嘅日子就會嚟龍鳳號，已經嚟食過好多次午餐，最最最鐘意係秘制大雞腿+魯肉飯（要加$5但絕對值得！），有時唔想太飽就會食紫菜檸香素魚，今次亦如常揀左素魚，但竟然揀錯左肉燥乾拌新竹米粉而唔係湯米就當試下新嘢啦！一向好鐘意佢個餐包埋湯同前菜，每次嚟都唔同款，好有家常味道。素魚外層腐皮好脆，紫菜又乾身又香，配埋蒜茸加檸檬汁整成嘅蘸汁，食落一啲都唔油膩。新竹米粉口感軟滑，可惜叫錯乾拌口味太濃，同我一樣唔鐘意太濃味嘅朋友可以叫返湯米，或者試魯肉飯！