春禧堂台灣料理餐廳 (已搬遷) 新店位置

中港城終於都有新嘅食店啦！仲係我最愛既台灣野，當然一開張就急不及待同同事去食，果然絕對冇令大家失望。我地一行3人，個個都食到好滿足。鹽酥雞扒麵雞扒好味頭先就講左，個特濃蕃茄湯底都非常有驚喜，蕃茄湯底濃度非常高，酸酸甜甜非常開胃，再配埋個彈牙煙韌既台灣麵，非常啱我口味呀～鹽酥雞扒飯我同同事一直都最鍾意食鹽酥雞扒，試過呢間之後，絕對無令我地失望，內脆內嫩的雞扒炸得剛剛熟又唔會鞋，又夠入味，絕對值得一試，再加試佢嘅配菜非常好味，送飯一流。除咗可以揀滷肉飯之外，仲可以揀雞肉飯，出面食店好少有呢個選擇，實在太貼心，對於怕肥嘅朋友仔，就可以食雞肉飯啦～花之丸水餃台灣麵我哋都係要左特濃蕃茄湯底，湯底真係好濃郁，水餃亦好入味，皮薄餡靚，花之丸亦好彈牙，啱哂一啲喜歡清淡嘅人。套餐仲包咗嘢飲珍珠紅豆奶茶-茶味香濃唔會太甜 紅豆亦好淋茉香綠茶-好香茉莉味，同事想叫多杯外賣添呀幸福紅豆乳酪-聽個名都覺得好幸福，甜度可以選擇，紅豆乳酪都好夾。