春禧堂台灣料理餐廳 (已搬遷) 新店位置

Honey 帶我去中港城食午餐，有景色有菜色環境優雅，單是裝修同食材都滿分。👏👏💃🏻Honey 知我好食唔懶飛，所以有好嘢一定第一時間帶我去，近日中港城平台開了一間「春禧堂台灣料理餐廳」，接近 2:00 時間食客不多比較容易搵位，甫入門口已有打咭位。🥢三盛紅燒牛肉麵 $97主要是腱心牛肉、牛𦟌、牛腩同牛丸，前三者都非常入味軟腍，牛腩不黏牙腱心牛肉入口有濃濃牛味，牛丸彈牙爽口，講到個麵條軟硬程度剛好，口感帶微彈連湯同食味道一流。🥤配凍咖啡🥢滷水蛋滷肉飯 $51滷肉配飯不經不覺多食幾口，我喜歡這滷水汁味道，啖啖滷水香肉肥味美又甘香，令人越食越想食最後一粒不留。🤣🥤配黑白配珍珠豆漿豆漿微甜珍珠彈牙有嚼口。🥢麻辣鴨血配台灣啤酒 $44台灣小食中最愛麻辣鴨血，這家店做得不錯，有麻香又不太辣，小小刺激非常惹味。麻辣鴨血可以加配啤酒，咁抵飲真無法抗拒。🥣雜果黑糖冰仙草 $48啤酒留比 Honey 獨享，我都不蝕底食碗台式糖水，雜果黑糖冰仙草用了新鮮生果配仙草美味又可口。🍍台灣鳳梨酥 $15/2 件店長介紹價錢算平就試試，酥餅不算油膩是香酥的，餡料有鳳梨🍍香，味香甜不錯。👍飽到嘔都係 $255 超抵食