九份飽 (蜆殼街) (已搬遷) 新店位置

好耐冇食過台灣嘢，所以特登上網搵吓見呢間個評分幾高所以專誠過嚟試吓。可能啱啱過咗lunch時間所以唔使等位，一入到店員服務好好，因為差唔多到下午茶時間所以佢問吓我哋等唔等埋下午茶先叫，我哋問佢攞咗個餐牌嚟睇吓，因為啲嘢都唔係太啱食所以都係嗌返正常餐牌我哋嗌左個雞扒滷肉飯同埋一個招牌牛肉麵仲有一杯珍珠奶茶同埋一個仙草奶茶，兩邊飲品都好友台灣風味唔係太甜個仙草好滑相比之下個牛肉麵同埋個滷肉飯就相對失色，個牛肉麵雖然用牛展，但係個湯就一般般... 另外個滷肉飯就中規中矩對得住個價錢