養心麵 (已結業)

本身唔係去呢間餐廳度食飯，行過見到又諗起養心殿就俾佢吸引入咗去食。Lunch hour時間啱啱唔算好多人排隊，唔駛等就入咗去坐，好似有兩層，下層啲位都算闊落。我叫咗安格斯牛腩，牛展，佢推介嘅蘭花捲，凍豆腐同豆皮。蘭花卷其實同豆腐卜一樣，牛腩牛展都好林， 算入味。嘢飲我要左碟豆花檸檬，個味都幾特別，好重碟豆花味。不過有小插曲，起初上個時，佢唔記得落麻辣。味道唔錯，可以一試。100蚊一個車仔麵始終有啲貴。