八月堂 (已結業)

其實呢間台灣過江龍可頌已經嚟咗香港好耐，之前見佢人氣都幾高，只係一直未有機會試。今日去開葵芳行街，就買咗兩個可頌返屋企做宵夜。.可頌嘅款式都幾多，而且都算幾特別，賣相唔錯。我哋就揀咗比較特別嘅護芋泥同埋布甸，都係比較少喺出面可以搵到嘅。.可頌嘅質感唔係好脆嗰種，但係就唔會好油，而且質感比較軟熟，都食到一層一層嘅酥皮，食完唔會覺得好肥膩。.雖然呢間嘅牛角包唔可以話係最好食，但係價錢合理，而且款式特別，絕對值得一試。.金沙芋泥可頌 $20芋泥唔算甜，都幾香芋頭味，呢個配搭都唔錯。焦糖布甸可頌 $23 呢款可頌比較甜，可以做甜品。布甸好滑溜，令整體可頌口感豐富。