幸福堂 (已結業)

台灣過江龍既黑糖珍珠飲料店，一直想飲好耐，今日同朋友行過見到，忍唔住買左杯飲。.焰遇幸福黑糖珍珠真鮮奶 $30一定要點佢招牌產品！係玻璃窗可以見到員工係度製作每杯飲品，我呢杯果然係用真·鮮奶，而且係杯加上炒到熱辣辣香噴噴既黑糖珍珠。.店員提醒飲之前要先攪勻，我一飲....嘩！好好味！有脆脆既焦糖粒，混有黑糖既鮮奶，加埋黑糖珍珠....唔怪得日日都咁多人排隊啦！.芒著蹦蹦跳 $40我朋友揀左呢杯好可愛既飲品。上面隻兔仔其實係乳酪凍，下面係芒果沙冰加上粉紅色既珍珠，好夏天既感覺而且好解渴。