燈籠滷味 (登龍街) (已結業)

呢間台灣過江龍滷味店～燈籠滷味🇹🇼成日聽到呢個名，但一直都未去試，最近終於去左銅鑼灣分店食！我有朋友每次去親台灣，都必食滷味，所以滷味都真系台灣美食之一！滷味配料很多，有好多仲系台式配料，例如甜不辣，水蓮，米血糕等等⋯黎得台式餐廳，點可以吾嗌滷肉飯嫁呢😋系我最愛啊，肥肉比例適中，味道足夠👍🏻 而且價錢都好親民，一碗只系$32咋！小食都有好多款式啊～我就揀左個流心芝士麻薯餅x 黃金甜不辣 $52 麻薯餅一咬落去真系超級超級軟綿綿，仲有濃濃嘅芝士味！甜不辣就加左D辣粉，好香口！飯後點少得糖水呢，燈籠雙芋（銅鑼灣限定）$38 小小的碗內都是滿滿的料，十分足料😍入面有芋頭、芋圓、地瓜圓、仙草、紅豆、珍珠，同埋都灑左D燕麥，好特別，有一種與眾不同嘅香味！