沐白小農 (已結業)

大甲芋頭鮮奶($30)睇住店員不左半杯芋泥再放上磅磅一磅，之後再倒入半杯明治鮮奶，好足料阿！芋泥好綿，仲有芋頭粒粒，好有芋香，固定甜度冇得少甜個人就覺得甜左少少，搞勻黎飲整體黎講唔錯。另外，草莓鮮奶($35)同黑糖波霸鮮奶($30)都推介。草莓鮮奶食到新鮮果肉，好fresh既草莓味，叫少甜剛好；黑糖波霸鮮奶拎上手仲係熱架，珍珠好煙韌好濃黑糖味，唔算太甜太膩。 沐白標榜食材百分百純天然，飲落都覺得似無添加，足料唔會貨不對版。如果經過荃灣都會再幫襯！