燈籠滷味 (登龍街) (已結業)

銅鑼灣周圍搵食，終於可以試吓久仰大名嘅台灣過江龍燈籠滷味，舖頭位於登龍街，非常方便。我哋一人一份嗌咗好似車仔麵咁樣自選配菜既油麵，佢個滷水汁滷得非常之入味，唔會太鹹之餘仲食到好香滷水汁入邊材料嘅味道。以為嗌一個油面再加少少餸會唔夠飽，點知嚟到咁大碗咁，非常足料，牛腱一個碗已經有好多塊，豬耳亦都好爽脆，連甜不辣都好好味。嚟到台式餐廳，當然要一人一杯台式飲品先夠過癮，我地嗌咗珍珠奶茶，另一杯就普通奶綠。珍珠奶茶嘅珍珠唔會太甜，亦都好有彈Q彈Q嘅感覺，奶綠呢個茶底亦都好清香，媲美得上台灣嘅夜市。最後我哋嗌咗瞓台灣腸仔配蒜，一啖咬落去，相映成趣，真係好有台灣嘅回憶。