Dazzling Cafe (皇室堡) (已結業)

今日同朋友去銅鑼灣shopping餓餓地咪諗住去揾間餐廳食午飯，竟然俾我發現新大陸。餐廳內裡充滿台式cafe風味的裝修, 環境新凈又企理, 感覺上有啲似真係去左台灣當地嘅cafe咁, 令我即時諗起早前去台北嘅旅行。 一開始叫左個dazzling和牛堡。佢特別之處係個包係牛角包黎，並唔係普通包。和牛食得出係日本和牛，好有牛味。再配埋啲肉醬簡直係好食！之後叫左個巧克力蕉響曲蜜糖吐司。雖然睇落好似好甜，但食落又唔係真係好甜。hagendaz雪糕就正路野。啲多士就脆，成個配撘好夾。最後叫左兩杯飲品。一杯黑炫風摩卡同pop pop。兩杯飲品啲味道好好，好重mocha味同牛奶味。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概$350。以咁高質素嘅食物黎講算係物超所值。所以整體黎講我對今餐嘅評分係9分！