臺坊 (加拿分道) (已結業)

前幾日見到呢一間新開嘅嘢好多人排隊，所以琴日就特登走來試吓。餐廳係要比完錢之後先可以入去坐，但係都唔駛等好耐。餐牌上都係一啲台灣菜為主，搞到我勁興奮，仲要可以加埋珍珠奶茶！但減緊肥嘅我就唯有飲呢一個小麥胚芽奶茶，胚芽份量好多，飲唔晒仲可以拎走添！個人覺得少甜可能會好啲！ 呢間餐廳竟然仲有雞絲海蜇沙律！佢啲辣都唔算好高，所以就算唔食辣嘅人，都可以食下 。朋友嗌左一個炸豬扒肉燥飯，仲有半隻蛋添！個人覺得佢個炸豬扒好好食，佢啲炸皮好脆，啲肉燥嘅份量都好多，但啲飯係比較軟身嗰種。而我就嗌咗一個鹽酥雞肉燥拌麵，佢用嘅肉燥同肉燥飯一樣，個人覺得佢放落拌麵食更加好食！而且個拌麵一啲都唔乾身！最後呢一個甜不辣 真係全晚覺得最好食！佢口感好好，而且好有台灣嘅味道！