南小館 (ELEMENTS圓方) (已結業)

倖存者同朋友睇戲之前要搵節目hea時間，無意間見到南小館。陣陣蒸野嘅煙霧漂出，仲傳出一陣肉香，細心睇睇門前嘅menu，原來係主打台灣同上海野食嘅店! 小龍包、生煎包呢啲不再話下，仲有各款精緻小菜！招牌生煎包底部煎至金黃色，香脆可口，與頂部軟綿綿嘅包身口感截然不同。上枱時，包身調至微暖，唔使等就可以食落口。餡料豐富，尤其肉汁相當多，肉味撲鼻，令人眼前一亮。蒜蓉青瓜、青葵木耳、花雕白雞、糖醋骨為咗一次過滿足大家多個願望，南小館好細心咁俾客人係指定小菜揀4款，份量雖少，但勝在一次食晒自己想食嘅小菜