台北巷弄 (已結業)

突然間好想食台灣風味，就喺商場度行吓行吓搵到依間野😜，店舖門面幾光猛，都幾吸睛既👍🏻。揀咗個便當餐，加咗半份小食同嘢飲，落完單佢就會俾個機仔你😮，咁樣幾好，好過嗌Number，低調啲好🤭。🔻鹽酥雞扒便當 $60🔻一打開個盒見到個滷蛋係超吸引，蛋黃又橙又糖心🤤。鹽酥雞扒香脆，充滿椒鹽味，極有台灣夜市味道👍🏻，仲有個配菜酸酸甜甜好開胃😋。而個滷肉飯就唔算多汁，不過就真係唔肥膩而且粒粒肉👍🏻。加咗$13要個甜不辣小食，又係鹽酥味呀，好正😋，鹹鹹地又有胡椒味，而且仲要有咬口煙煙韌韌真係好正👍🏻👍🏻。然後加埋杯仙草凍奶茶🥤，作為呢個晚餐嘅結尾，真係好滿足😌。