燈籠滷味 (德福廣場1期)

營業中

休息中

燈籠滷味台灣紅燒牛筋肉 配海苔醬香拌飯晚餐配有前菜，包括自家秘製酸菜，酸爽可口，口感脆嫩，搭配清香嘅香蔥，令人開胃，為接下嚟嘅主菜打好基礎。紅燒牛筋肉經過長時間燉煮，入口軟嫩，醬汁濃郁，帶有淡淡嘅微甜，讓人回味無窮。配菜有椰菜，粟米，增加清新嘅口感，而滷蛋就帶出台灣風味。可揀古早滷肉飯或海苔醬香拌飯，今晚試吓海苔醬香拌飯，海苔醬香氣同米飯搭配恰到好處，增加整體嘅風味層次。阿嬤古法烹調羊腩煲 羊腩以傳統方式烹調，肉質鮮嫩，湯底清澈。配菜加入腐皮、蓮藕，冬菇等等，增添口感嘅多樣性，而且仲令整道晚餐更加健康。唐生菜清爽，完全吸收羊腩煲嘅精華，同時平衡羊腩嘅濃郁，令人唔會覺得油膩。經典蜂蜜綠茶打邊爐有咩適合得過冰凍而微甜嘅蜂蜜綠茶，甘甜嘅蜂蜜同清新嘅綠茶，令人心情愉悅，消除羊腩煲嘅油膩感。