影片
更多
2016-11-13
80 瀏覽
今晚一個人食飯, 行過收工必經既路德圍, 是但搵間餐廳食埋先返屋企.發現有間台灣麵未食過, 價錢唔貴又幾多野揀. 要個豬八戎麵, 個名幾特別, 仲可以選豬骨湯底或是蕃茄湯底, 我選左豬骨, 入口幾濃, 仲帶少少胡椒香味. 豬八戎既豬肉一舊舊, 但一D都唔鞋唔韌, 口感軟滑, 麵線煙煙韌韌夠彈牙, 一路食都唔會浸淋, 口感唔錯. 仲有好多栗米, 生菜配料, 清清地唔會太濃味.剩係碗麵唔夠喉, 要埋脆爆雞翼, 外表炸到剛剛脆, 好香帶少少脆口, 仲好似有D椒鹽, 類似鹽酥雞果D口味, 好台灣味. 雞肉仍保持嫩滑, 又夠入味, 好好味, 可以食多5隻.仲要杯雜果蜂蜜綠茶, 台式特飲真係五花百門, 不過配極咩口味都好飲. 呢杯加左大量新鮮生果, 唔會太甜, 好清新.
發現有間台灣麵未食過, 價錢唔貴又幾多野揀.
要個豬八戎麵, 個名幾特別, 仲可以選豬骨湯底或是蕃茄湯底, 我選左豬骨, 入口幾濃, 仲帶少少胡椒香味.
豬八戎既豬肉一舊舊, 但一D都唔鞋唔韌, 口感軟滑, 麵線煙煙韌韌夠彈牙, 一路食都唔會浸淋, 口感唔錯. 仲有好多栗米, 生菜配料, 清清地唔會太濃味.
剩係碗麵唔夠喉, 要埋脆爆雞翼, 外表炸到剛剛脆, 好香帶少少脆口, 仲好似有D椒鹽, 類似鹽酥雞果D口味, 好台灣味. 雞肉仍保持嫩滑, 又夠入味, 好好味, 可以食多5隻.
仲要杯雜果蜂蜜綠茶, 台式特飲真係五花百門, 不過配極咩口味都好飲. 呢杯加左大量新鮮生果, 唔會太甜, 好清新.
張貼
