臺北棧 (形點 I) (已結業)

同屋企人返完教會經開ShoppingMall 見到依間臺北棧。餐廳嘅食物選擇非常之多元化，menu有好多選擇，我哋就一於叫咗嚟試吓！係台灣既味道🇹🇼櫻花蝦烏醋茄子烹調美味，酸咪咪幾開胃,茄子肉煮到腍身，賣相亦吸引。平時都好鍾意食台灣香腸，今次呢客三色台灣香腸有台灣特色味道，台灣腸一向偏油膩，適合配酒來吃，不過今次認為不過不失。蒜片炸得乾身香脆。大頭蝦冬陰功牛肉麵用既刀削麵條份量好多，兩個人share人都得，麵條口感爽彈，加上秘製冬陰功湯底，辣香惹味。店員介紹係新鮮運港的刀削麵，口感特別不同，比一般街上吃的還要厚、煙韌和滑溜，而且份量不少。 係Menu見到呢杯我愛台妹cocktail好過癮，原來佢以中國普洱茶做base，加埋自家製普洱茶 infused嘅gin，茶味都幾香，加上荔枝和檸檬汁嘅配搭，幾清新嘅感覺～蜂蜜綠茶飲落好fresh，綠茶味就適中，蜂蜜味就好夠。 清爽怡人，靜氣安心！ 🔸整體評價🔸呢間無論食物定飲品都滿意，而且價錢其實都唔係算貴。餐廳環境都設有多個打卡位，可以選擇坐室內外，就算室內都可以帶寵物一齊食架🥰