馬祖台灣養生湯麵館 (留仙街) (已結業)

見到有台灣同養生呢啲字，即刻好想入去食，主打養生麵店，打開餐牌花多眼亂，呢款花膠醉雞湯米就完全啱晒我心水，一定要試！以為湯會好大陣藥材味，又唔會喎有驚喜，香濃雞湯帶點酒香，飲完一啖接一啖，仲有兩件鱈魚膠，醉雞份量都多有三四件左右，配上木耳同紅棗有益養生👍🏻成碗麵都好豐富，差啲連湯都飲曬😆阿仔就食古早牛肉麵，大讚牛肉煮🉐️入味而且淋，麵煙銀有口感，份量大大碗啱曬男仕及年青人。阿仔仲order左好耐冇食嘅滷水豬大腸，真係入味到不得了，食完後更加想去台灣掃街呀😆