九份•十分 (河畔花園) (已結業)

屋企無飯開，尋食見到附近有台灣嘢食，仲好似有想食嘅，就咁立刻行過去，係門口見到都幾旺場，仲幾多人幫襯，一個人可以即入坐底，如果再遲多小小，可能今晚就無得食。呢杯胚芽珍珠奶茶，又唔算叫做差，普普通通，基本上唔會再叫。阿春麵線，都好食嘅，彈就彈係太細碗，同埋偏咸。鹽酥雞比較正常，係唔能夠做到外脆內軟，不過炸得乾身又夠脆口，而調味就靠後面嗰六枝味精，有原味，辣味，芝士味，紫菜味，咖哩味同梅子味，鍾意乜味就自己撈，本人首推係原味。埋單94，加一後103，屬正常一餐飯嘅價錢，應該會再幫襯。