鼎王麻辣鍋 (金巴利道) (已結業)

終於有伴食麻辣火鍋，平時屋企人怕辣，所以好少出街食，但係今次同好姊妹試完之後，原來台灣嘅麻辣火鍋係唔太辣，老少咸宜。餐廳地方算大，兩個人座卡位枱幾闊落👍🏻，又唔會太熱。入座後，店員奉上一壼熱蜜桃紅茶。由於台灣嘅辣係好溫和，所以建議我哋「鼎王麻辣鍋」選中辣，另外「酸菜白肉鍋」選中酸。我哋揀咗鴛鴦湯底，咁就兩樣味道都可以試勻😝😝。麻辣湯底配以鴨血豆腐無限量供應，湯底香濃、鴨血彈嫩滑溜，豆腐又入味。酸菜白肉鍋嘅酸菜亦是無限供應。👍🏻🥢台灣直送「濃香豆皮」店員推介要滾3至5分鐘，因為有別於街外的豆皮，比較厚身。我認為味道不錯，好大件好滿足🤣🤣🥢台灣直送「香滑蛋餃」店員推介只滾幾分鐘就可以食得，其實我係第一次食蛋餃，覺得質感厚實軟嫩。🥢「梅花豬肉拼去骨雞髀肉」豬肉瘦而不柴，雞髀肉質嫩爽口。🥢「A4和牛海鮮拼盤」A4和牛粒 - 肉質嫩滑，滾好耐都唔會靭。日本廣島蠔 - 大size 、厚肉，唔會縮到好細。日本扇貝 - 細size ，所以快熟。溫馨提示，限時90分鐘！