T-Parc (已結業)

成日都見啲台茶過江龍乜乜乜，有冇諗過其實本地品牌都有唔少好嘢😏最近響中環發現咗間本地品牌茶飲店，印象幾好✨ 叫咗兩杯嘢飲同兩款小食✨t-parc花花蘇打除咗用花蜜加氣泡水仲落咗超多食用花，IGable得嚟個花味仲好香唔人工而熱帶水果茶就好似佢個英文名triple yellow咁用上檸檬/香蕉/菠蘿三種黃色生果入茶，再加少量熱情果汁調製，話說好少見到用香蕉嚟入茶，感覺新鮮過癮，而因為有用上新鮮生果而非代用果汁所以個味真實得嚟清新唔會死甜✨至於小食有花蜜雞翼，有玫瑰蜜同桂花蜜可揀，桂花蜜其實應該會似中式感覺，所以揀咗玫瑰蜜，西式感覺花香濃，令雞翼感覺冇咁熱氣😛仲有係必推嘅芝芝心太軟，細細粒嘅軟心朱古力蛋糕仔，加上芝士奶蓋超香口，雖然本身覺得芝士奶蓋配飲品係有啲奇怪，但配落甜食度又非常正，鹹甜交配覺得過癮，而且心太軟個朱古力味好香，都幾推薦呢個🤤最後呢間舖頭仲有個好大嘅賣點，就係有·得·坐！雖然只係有坐個位，但飲嘢時有得坐下抖下，響地少人多嘅香港簡直係一大福音✨😂