影片
更多
2023-01-02
51 瀏覽
話說，我從來都未寫過食評，呢間嘢真係激發到我忍唔住要寫一下！ 今日係2023年1月1日， 收工凍凍地就諗住打邊爐， 喺樓下見到姐姐派傳單，收費每位由$398起，見到都正正常常，又話有龍蝦同埋枝白酒送，就諗住新年食好啲啦，最後我哋兩個人揀咗 D 餐$498一位嘅120分鐘任食放題，8pm上到去竟然唔使等位，仲有好多吉枱，心諗大穫了，不過唔緊要啦，唸住收得你咁嘅價錢應該唔會好差嘅，點知中伏了！1. 點好餐後同你講，龍蝦係兩人一隻(樓下阿姐係話每人一隻嘅)2. 要咗龍蝦就冇酒送( 樓下阿姐係話兩樣一齊送嘅）3. 每位價錢要加多20蚊老實講，每位加多廿蚊真係都算，但係點解同 樓下阿姐 講嘅嘢完全唔同呢？ 到最尾一個貌似經理嘅男人就話， 算啦算啦今日高興日子，兩樣都送曬畀你哋啦，我心諗我係咪應該要好多謝你呢？！輪到食物部分， 頭盤我哋叫咗韓式芝士雞， 味道係可以嘅，加熱之後仲有拉絲，非常邪惡，不過我哋兩個人，嚟咗一個四至六人份量，如果食曬都應該唔使食其他嘢@.@，跟住我膽粗粗就問個店員可唔可以攞走，佢竟然答我話可以攞走，等我仲滿心歡喜，點知係一個美麗嘅誤會， 原來可以攞走嘅意思係收走佢，haha
1. 點好餐後同你講，龍蝦係兩人一隻(樓下阿姐係話每人一隻嘅)
2. 要咗龍蝦就冇酒送( 樓下阿姐係話兩樣一齊送嘅）
3. 每位價錢要加多20蚊
老實講，每位加多廿蚊真係都算，但係點解同 樓下阿姐 講嘅嘢完全唔同呢？ 到最尾一個貌似經理嘅男人就話， 算啦算啦今日高興日子，兩樣都送曬畀你哋啦，我心諗我係咪應該要好多謝你呢？！
輪到食物部分， 頭盤我哋叫咗韓式芝士雞， 味道係可以嘅，加熱之後仲有拉絲，非常邪惡，不過我哋兩個人，嚟咗一個四至六人份量，如果食曬都應該唔使食其他嘢@.@，跟住我膽粗粗就問個店員可唔可以攞走，佢竟然答我話可以攞走，等我仲滿心歡喜，點知係一個美麗嘅誤會， 原來可以攞走嘅意思係收走佢，hahaha!
標榜高質素嘅牛肉，居然同其他大型火鍋店最平價錢嘅牛肉質素冇分別，甚至仲差，問你死未！
至於海鮮類，嗰個一次性嘅海鮮盤， 除咗蟶子，日本元貝，蜆同埋送嗰兩片龍躉可以接受之外，其餘的不吃也罷， 我真係未見過人D蝦係會食唔哂架 (我目測起碼有四枱係冇食晒嘅)
另外送嗰兩隻龍蝦，就係放咗喺呢個海鮮盤比D蝦遮住咗，同隻琵琶蝦差唔多大， 唔知道係咩品種呢？好彩彈牙好食！
總結： 唔會再幫襯！ 唔會推薦比人！人均$570一定有更好選擇！
張貼
