影片
更多
2009-12-29
12 瀏覽
平安夜，到處都是人，連茶餐廳都要排長龍；心想上樓可能易搵食，上了瓊華中心的「笑笑」，竟然一去到就有檯，心諗乜咁好彩之餘，同時又奇怪點會唔爆？不安感覺輕輕閃過。但沒可能啊，「笑笑」屬「白木屋」集團，跟「和民」應該分別不大，差極都應該有個譜。咁諗就錯了。坐低，侍應遞上餐牌兩杯茶，留下一句：「每杯茶要$5，另叫飲野可扣回。」咁咪即係焗人叫野飲？中式酒家收茶錢尚可接受，日本居酒屋果杯綠茶粉開出來的水要盛惠$5，首見。算了，可能人家高級嘛。既是佳節，不妨大破慳囊，點了五樣東西，結果？好壞參半：(1)鹽燒牛(月利)，$48 - 味道不錯，幾好食，滿意！(2)雜菜豬肉煲(名字忘記了)，$48 - 湯底其實唔錯，只是豬肉太少，得3件！(3)鐵板漢堡扒，$48 - 漢堡扒幾好食，但唔知點解有碎骨？！最恐怖是伴碟那舊薯溶，凍冰冰的！連拿去微波爐叮一下都懶？！(4)串燒大會，$48 - 除了那串雞翼外，其他都不成！所謂大會得5串野，當中有兩串是洋蔥，難食！搵笨！(5)火炙三文魚Pizza，$68 - 呢個呢個呢個菜，簡直是我有生以來吃過的Pizza中，最難食的一味！首先絕不是火炙，味道像拖過滾水！三文魚又腥
咁諗就錯了。
坐低，侍應遞上餐牌兩杯茶，留下一句：「每杯茶要$5，另叫飲野可扣回。」咁咪即係焗人叫野飲？中式酒家收茶錢尚可接受，日本居酒屋果杯綠茶粉開出來的水要盛惠$5，首見。
算了，可能人家高級嘛。既是佳節，不妨大破慳囊，點了五樣東西，結果？好壞參半：
(1)鹽燒牛(月利)，$48 - 味道不錯，幾好食，滿意！
(2)雜菜豬肉煲(名字忘記了)，$48 - 湯底其實唔錯，只是豬肉太少，得3件！
(3)鐵板漢堡扒，$48 - 漢堡扒幾好食，但唔知點解有碎骨？！最恐怖是伴碟那舊薯溶，凍冰冰的！連拿去微波爐叮一下都懶？！
(4)串燒大會，$48 - 除了那串雞翼外，其他都不成！所謂大會得5串野，當中有兩串是洋蔥，難食！搵笨！
(5)火炙三文魚Pizza，$68 - 呢個呢個呢個菜，簡直是我有生以來吃過的Pizza中，最難食的一味！首先絕不是火炙，味道像拖過滾水！三文魚又腥又唔好味！至於那個汁，哇，怪味到呢，食完想吐！而所謂pizza亦非常「脆弱」，一拿起就會斷！軟到佢丫？！再加埋一堆生菜絲的物體，整體感覺是難食、難食、難食、難食，再 x 10000個難食！
就這樣，吃了三百多元，但有一半是難吃的！
期間那個豬肉煲熄了火，狂叫好耐才有人換爐；後來食完叫人收爐又搞好耐至有人來收，我幾驚會燒乾水爆煲火燭釀成平安夜大火呢！
至於那杯連加一要$5.5.的綠茶，可能選料不佳，味道奇淡都算；只是由始至終都冇人添水，只有我自己拿個水樽自添，這裡的侍應服務之佳，由此可見一斑！
不要跟「和民」比了，「笑笑」根本差十萬里！我相信她連一些扮日本料理的土炮茶餐廳也不如，堪稱史上最差勁的居酒屋！
信我，吃了「笑笑」，你不會想笑！
張貼