影片
更多
2007-07-14
27 瀏覽
蘇絲黃推介的, 都要挑選過同看過食評才好跟吃....輝哥火鍋, 不知所謂, 又貴又唔好食.得碟牛和湯底好少少, 吃其他食品都有被搵笨的感覺....蝦滑- 落鍋即散, 唔記得仲以為自己碟野未落過鍋但係就唔見晒....打打吓邊爐無晒, 如果唔係落番咁上下大舊有返少少渣滓, 真係以為自己無落order 叫虾滑.....挪威聖子- $150/4隻, 6個人分享, 好彩的話每人有3塊(3至4mm厚)...去海鮮店食海鮮都唔駛咁貴黃喉- 演技浮誇的四眼仔極力推介: 好爽, 好好味架, 無牛肉味架, 唔食得牛(敏感)嘅都食得......$80/10塊, 食完之後, 覺得...真係無牛味喎, 連一d味都無呀....勁!!!魚皮餃/ 雲吞- 各$50/碟, 一碟約10粒魚皮餃- 勁散, 差d要用兜"兜" 住來勺雲吞- 一d都唔爽口....好"林", 仲有少少"霉"嘅感覺皇帝菜- 好老...又多"梗"湯底- 人參醉雞鍋, 只有湯底係我認為合格的, 但都好多油, 因為雞件, 有好大量無去肥膏的雞皮....為了不要浪費了$158 的人參醉雞鍋, 便叫了$25/碟的烏冬和$15/碟的出前一丁來吃.....貴上加
輝哥火鍋, 不知所謂, 又貴又唔好食.
得碟牛和湯底好少少, 吃其他食品都有被搵笨的感覺....
蝦滑- 落鍋即散, 唔記得仲以為自己碟野未落過鍋但係就唔見晒....打打吓邊爐無晒, 如果唔係落番咁上下大舊有返少少渣滓, 真係以為自己無落order 叫虾滑.....
挪威聖子- $150/4隻, 6個人分享, 好彩的話每人有3塊(3至4mm厚)...去海鮮店食海鮮都唔駛咁貴
黃喉- 演技浮誇的四眼仔極力推介: 好爽, 好好味架, 無牛肉味架, 唔食得牛(敏感)嘅都食得......$80/10塊, 食完之後, 覺得...真係無牛味喎, 連一d味都無呀....勁!!!
魚皮餃/ 雲吞- 各$50/碟, 一碟約10粒
魚皮餃- 勁散, 差d要用兜"兜" 住來勺
雲吞- 一d都唔爽口....好"林", 仲有少少"霉"嘅感覺
皇帝菜- 好老...又多"梗"
湯底- 人參醉雞鍋, 只有湯底係我認為合格的, 但都好多油, 因為雞件, 有好大量無去肥膏的雞皮....為了不要浪費了$158 的人參醉雞鍋, 便叫了$25/碟的烏冬和$15/碟的出前一丁來吃.....貴上加貴...
另鴛鴦鍋- $50, 無特別
以上食品, 無order 任何飲料, $1120
錢多無定fing, 對食又全無要求嘅, 咪去幫襯吓囉
張貼