影片
更多
2013-06-18
208 瀏覽
之前有友人介紹過話超級好食，咁岩要去銅鑼灣既SOGO買野當然要去買黎試試啦！ 鋪面雖然唔大 但係好易搵到而且成間野都係粉紅色 好難睇唔到 放滿各色各樣既甜品 全部都用左粉紅色既紙盤載著款款都好靚 真係好想全部都買番去食！！第一樣吸引到我既當然係Baby Mon cher同Sanrio合作既Hello Kitty慕絲!但係去到得番白色果款 之前見到有朱古力味既HelloKitty 可能依家唔再出啦 但係好想試埋!除左件裝甜品之外 仲有蛋糕同呢到好出名既堂島卷(Dojima Roll)!堂島卷有分原味同朱古力味 今次就買左原味，Hello Kitty慕絲同心の蝶(Papiyon)!堂島卷Dojima Roll $150呢個卷真係唔食唔得！忌廉同蛋糕既比例係完美 雖然睇落去忌廉好似好多咁 但係食落去又唔會覺得一口都係忌廉咁同埋d忌廉唔係好甜 所以食左都唔覺好肥所以好岩我呢d好鍾意食甜品既人 成個堂島卷都好軟身 就算雪左成晚拎番出黎都唔會硬！同埋個卷都好易切 唔會切到爛晒面頭既糖霜都灑得好均勻 一個字棒！心の蝶Papiyon ＄45賣相當然係一流！我最鍾意既裝飾係粉紅色慕絲上既白朱
當然要去買黎試試啦！
鋪面雖然唔大 但係好易搵到
而且成間野都係粉紅色 好難睇唔到 放滿各色各樣既甜品 全部都用左粉紅色既紙盤載著
款款都好靚 真係好想全部都買番去食！！
第一樣吸引到我既當然係Baby Mon cher同Sanrio合作既Hello Kitty慕絲!
但係去到得番白色果款
之前見到有朱古力味既HelloKitty 可能依家唔再出啦 但係好想試埋!
除左件裝甜品之外 仲有蛋糕同呢到好出名既堂島卷(Dojima Roll)!
堂島卷有分原味同朱古力味
今次就買左原味，Hello Kitty慕絲同心の蝶(Papiyon)!
堂島卷Dojima Roll $150呢個卷真係唔食唔得！
忌廉同蛋糕既比例係完美
雖然睇落去忌廉好似好多咁 但係食落去又唔會覺得一口都係忌廉咁
同埋d忌廉唔係好甜 所以食左都唔覺好肥
所以好岩我呢d好鍾意食甜品既人
成個堂島卷都好軟身 就算雪左成晚拎番出黎都唔會硬！
同埋個卷都好易切 唔會切到爛晒
面頭既糖霜都灑得好均勻 一個字棒！
心の蝶Papiyon ＄45賣相當然係一流！
我最鍾意既裝飾係粉紅色慕絲上既白朱古力蝴蝶 好配合個名
採用既生果係士多啤梨同提子 紫色同粉紅色都係同一色系 好夾！
裝飾底下就係堂島卷 雖然心の蝶係比較甜 但係食甜品令到人都開心d架嘛
Hello Kitty煉奶慕絲／牛奶慕絲＄48最後既主角！
係Hello Kitty迷既你一定要試！咁得意既3D Hello Kitty你又點可以放過呢？
呢個慕絲一句講晒 又睇得又食得！
睇當然係睇個Hello Kitty啦 眼睛，花同鼻係用朱古力整既 所以成個Hello Kitty都係食得既
主角身邊係粉紅色既忌廉加銀色糖珠 就好似一個花圈圍住佢咁
裡面有士多啤梨果醬 甜甜地同ok甜既堂島卷出奇地夾！
Baby Mon cher既包裝都係用番粉紅色 明眼人一睇就知係佢地既甜品啦拎住最好小心d因為好驚會整爛裡面d野 不過都好安全 番左屋企睇番都冇咩點整到
題外話/補充資料：
店員好有心咁幫我地放左幾個乾冰包係裡面 就算唔係即刻食都可以擺一陣 十分細心！
(以上食評乃用戶個人意見 , 並不代表OpenRice之觀點。)
張貼
