Zenon Café (裝修中)

早前喺呢度叫咗杯60蚊嘅咖啡。首先講味道, 基本上係完全冇味,v更唔好講咖啡香, 只係有漂浮住些少好稀嘅蜜糖味, 但杯嘢基本上係好淡嘅酸苦味, 杯嘢係比室溫溫暖少少， 從來未試過叫一杯熱咖啡個溫度係咁樣，大家唔好唔記得，杯嘢係要60蚊，連m記即磨咖啡都好飲過佢, 完全冇誇張。 我喺中環試過咁多間大大小小嘅咖啡店, 從來冇飲過一杯咁難飲嘅咖啡,搞到我飲咗一啖就要掉一杯60蚊嘅咖啡。第二，佢嘅服務係零。我哋去嘅時候，間舖得 一枱客而我見到, 而我見到嗰台客其實已經食緊嘢, 但我哋兩杯咖啡佢都搞咗幾乎十分鐘。喺大家都咁著重衛生嘅時候，個staff冚蓋係冇帶手套, 仲要冚一半唔冚一半，一攞上手就會倒瀉。畀錢仲搞笑，我哋係叫外賣嘅，但係我哋叫嘅時候已經銀包都攞埋出嚟，但佢淨係畀張單我哋，搞到我哋要主動問佢係咪依家畀錢，佢仲要呆咗兩秒先問我哋收錢。 其實呢間嘢我幾年前有幫襯過, 嗰陣係有食佢嘅食物嘅, 質素上尚可。但依家試咗佢啲咖啡質素如此之差, 服務亦都咁差, 而d staff 整咖啡嘅時候竟然係冇戴口罩。一杯60蚊嘅咖啡，係喺中環嚟講都算貴。極不推薦大家再去幫襯呢間咁有問題嘅餐廳。