亞金南洋茶室 (黃大仙中心南館)

營業中

休息中

話說我係一個非常鍾意食叻沙嘅人，雖然喺香港食叻沙十次有九次半中伏，不過我仍然屢敗屢戰屢戰屢敗，so far都係失望而回，不過今次呢間位於黃大仙嘅食肆竟然有驚喜。我覺得一碗好味嘅叻沙，最緊要就係d麵同米粉要吸盡個湯底嘅精華，可惜喺香港食到嘅叻沙，基本上都做唔到呢一點，不過呢間ok喎。第二樣重要嘅就係佢個湯底嘅濃淡度，唔可以太杰又唔可以稀，所以d芽菜同豆腐卜會唔會出太多水都會有影響。第三樣嘢就係隻蛋，不能過熟，同埋又唔好係凍嘅。最後先至到其他配料夠唔夠新鮮，可惜通常前面已經fail晒唔洗講落去。不過今次唔同，呢間嘅叻沙掂。