峇峇娘惹 (彌敦道) (已結業)

今日睇完物理治療，兩點半先食第一餐，之前喺度食過lunch，第一次喺度食下午茶，不過可惜無肉骨茶揀，最後就食咗香茅骨叻沙+素業春卷，飲檳城桔子酸梅特飲。香茅骨其實都幾多肉，我開頭好擔心得舊骨無肉食，但原來係香茅豬扒，有香茅味，幾鬆化，但啲肉又唔會鞋!叻湯湯底幾濃幾惹味，有魚片頭，豆卜，同埋油麵同米粉。原本跟餐加小食係魷魚春卷，不過menu改咗做素菜春卷，味道唔錯，甜甜哋。最後就係杯桔子酸梅特飲，有凍同熱選擇，而且無限refill，酸酸甜甜，幾醒胃。