景逸軒 (已結業)

同屋企人食飯梗係食中菜，最穩陣，佢地又一定岩食，見到景逸軒係尖沙咀新開於是一家人去試下。草莓鳳梨咕嚕肉生果配肉類夠清新，夏天食酸酸甜甜既菜色特別開胃，咕嚕肉炸得香脆，可惜偏肥，肥膩感較重。瑤柱花膠四寶羹四寶分別係花膠、瑤柱、冬菇、肉絲，質感比較厚身，不過瑤柱花膠比較細碎，難以食得出，發揮唔到應有既味道，有點可惜。竹笙鼎湖上素材料有竹笙、竹筍、草菇、蘑菇、木耳、小棠菜，夠曬健康，竹笙爽口多汁，草菇同木耳都煑得軟腍又夠入味，小棠菜爽脆，加埋醬汁，全晚最喜愛。見到格離點原個椰皇燉鮮奶，我地又點啦，點知要等20分鐘，餐牌又沒有寫，早知要20分鐘我就一早叫定，於是點桂花糕啦，又話賣曬，美中不足。