吃什麼 (已結業)

咁啱要去中環睇drama，朋友介紹中環嘅吃什麼好好味，所以我地一人三行就去食。因為時間較早，唔係好多人排隊。每次食台灣野都忍唔住叫珍珠奶茶。原來佢地係黑糖珍珠奶茶。叫咗少糖，味道啱啱好！正主食方面叫咗雞扒肉操拌麵麵幾彈牙，肉操同嗰汁唔會過鹹，不過有少少油膩。炸雞排okay，味道啱啱好，外皮炸得幾好，不過入面肉質有柴咗同乾咗少少。牛肉麵湯底清，味道濃，有牛油香味。牛肉淋，唔會癡牙😂小食就叫左芝士蛋餅我至愛，蛋餅皮唔厚，蛋加埋溶咗嘅芝士，好味。炸花枝丸我覺得冇乜特別，同埋得兩粒！椒鹽豬血糕大愛呀！雖然佢個樣黑蚊蚊，但我完全食唔停口。 好有咬口，個皮係脆嘅，唔係淋啤啤。味道啱哂好中意食重口味嘅人，蒜味好濃！無論係口感同埋味道都好滿意。最後老闆送嘅毛豆！香料味重！又係會食唔停口！