大阪王將 (已結業)

入到馬鞍山探大肚朋友，人生路不熟，當然要請佢帶路啦！佢二話不說帶我地去咗馬鞍山廣場內的大阪王將，門面都幾企理，最impress到我哋的是每一位員工都好熱情。相信店主下左唔少苦工，先能夠令到每一位員工都做得開心，面上都係真誠的笑容。食物整體價格都幾相宜，而且選擇多。當中最抵的絕對係二人餐，只係$200左右就食到好多款美食。店內的招牌菜，肉質都幾豐富，而且皮薄。小食當中我就比較鍾意章魚燒，一客有四件，分量十足。而且入口熱辣辣，又夠咬口。朋友仔點的玉子燒都幾好食，甜甜地有蛋香得來，蔥花的味道都幾突出。牛肉鍋有好多牛肉，整個鍋內都係鮮牛肉，冇其他野菜墊底。湯底味道偏甜，係我最鍾意的壽喜燒口味。至於烏冬就清清地，高湯無乜味精。豚肉生姜燒定食都幾有趣，唔係傳統日式生姜燒的味道，反而有少少似中式的蔥爆豬肉。但意外地，呢個口味都幾好食，夠晒惹味。至於店內主打，就係呢個天津飯，即係鐵板蛋包飯。漢堡扒分量亦唔少，有成2cm厚。淋上醬汁後嗞嗞聲，色香味俱全。最後多點一份海老天婦羅，令我哋滿足感更上一層樓。炸得香脆，蝦肉又結實。非常滿意的用餐體驗，除咗價廉物美外，最重要的是意想不到的貼心服務。冇諗過連鎖店當中