四季文昌 (已結業)

香港而家都開咗好多 椰子雞火鍋餐廳， 間唔中食吓過吓椰子雞嘅癮 都唔錯。 但今日中午時分去咗海南椰子雞餐廳係食午餐。店鋪空間寬闊，佔全層， 周圍都有好多打卡嘅位置， 亦有啲文青cafe書店feel。有唔少選擇，嚟依到梗係食番椰子雞汤米線（$68）午餐奉送特飲和燉湯。雞湯勁清甜， 雞件又滑又嫩， 浸係湯嘅雞油更張味到提升。 米線滑溜溜不過略嫌太碎。 配料仲有勁多竹笙雲耳， 感覺健康而且唔會搶咗濃郁嘅雞味。配芒果梳打。。大杯到，呃哂like, 唔會太甜還可以呀。另一款午餐揀咗海鮮喇沙米線， 喇沙湯底可以再熱啲就更good。 唔會好辣， 海鮮配料豐富，有青口，魷魚，蝦， 魚塊，仲有半隻雞蛋。 材料下面竟然係烏冬麵😃， 完全冇留意餐牌， 見到喇沙個字就揀！😃荔枝梳打， 都係好大杯。 雖然多冰飲到尾仲夠曬氣， 甜度適中， 荔枝味唔會太假。