沙嗲王 (已搬遷) 新店位置

本來約左朋友12點吃飯，但係佢竟然遲左大到！之後打算去花園吃，但係去到D位唔多0岩就轉左去沙嗲王！無他的，全因掛住白咖哩豬扒飯！去到的時候真係有D灰！原來個飯餐係2時前先有，大家有吃過的就知道跟餐永遠係抵吃D的！無計，唯有照叫！豬扒依然都係好有水準！炸得唔錯！而白咖哩就唔需要多講啦！做得招牌的，D香味係仲KEPP到！雖然佢果度的野食選擇真係好多！自己其實又鍾意吃雞多D但講到配白咖哩，就永遠都係豬扒第一啦！我個朋友本來都想叫，但見我叫左就改叫沙嗲雞扒米線佢話個湯的濃度剛剛好，好好味！雞扒大大塊，有5件！仲係下午茶的價錢！有杯野送！杯咖啡一般水準！不過上台的時候見佢係有個蓋係頂，我估係用來保暖的！OK有心思！都係果句，如果全日都有白咖哩餐的就好啦！有咩野理由反而下午茶吃同一個餐會貴過午餐的！