道頓堀御好燒專門店 (朗豪坊) (已結業)

對於啲喜歡玩樂、打卡、好動、有情趣、唔怕麻煩嘅朋友非常推介，因為自己煮自己食自己玩幾開心🥳但當然啦，都有啲人會覺得我俾錢食飯仲要我自己煮？自己烹調控制唔到火候又煮得難食或者燒焦燶左，自己承受惡果。不過其實佢有計時器同埋食譜說明書，教你每一個步驟，如果跟住去做嘅話準成度都幾高，所以差極有譜，而且好多人排隊等候，證明好評如潮！價錢我又覺得可以接受，當然啦一個廣島燒 或者 大阪燒 出去買或者出去食可能都係30.40元，咁樣相比的那就會貴左，但餐廳來講我覺得可以接受到。有不同類型嘅套餐，可按個人喜好及用餐人數決定，其實都幾抵食抵玩！而且服務質素好好！我哋叫錯咗一個芝士年糕，但其實我哋係想叫芝士年糕大阪燒套餐，佢都照樣會換俾我哋，非常好嘅員工及服務態度！