金銘潮州粉麵餐廳

營業中

休息中

呢到以前都有食開，最鐘意食雲吞麵，後黎愈黎愈多人幫親，生意愈黎愈旺，有次見到新出小鍋米線$22，可再另外加餸，個次之後就從此愛上，而家久唔久經過都會黎呢到食。每次都會叫小鍋米線少麻辣+雲吞，都只係$30 (已包外賣+$1)，價錢合理又好食 。一打開個蓋，麻辣味已經飄哂出黎，超香未食都已經流哂口水，底湯味道香濃，少少麻但又唔會好辣 (但唔會飲太多，始終味精多)，米線夠淋超滑，雖然淋但都仲有咬口，至於點解每次都揀雲吞，係因為雲吞皮薄又滑口，餡料又多，浸左麻辣味之後更正，不過只有2粒，真係唔多夠喉