石亭居酒屋

營業中

休息中

一個星期五晚，約了幾個閨蜜食飯。誤打誤撞黎左呢度，赫德道成日去，但都真係忽略左呢間小店。小是真的，位置不多，坐得是不太舒服，比較密，好處是親密同有氣氛。我地發現，嗌支大清酒，就送象拔蚌，咁岩其實我地主要目的係飲野，就順勢啦。送既象拔蚌好食，好鮮，好甜，一人一隻都得，非常滿意呀。另外燒牛排，個汁好食，但就可能因為個汁蓋過肉味，我不知肉味怎樣，但質地係好肥美的，唔會乾唔會硬。仲有一堆茄子，要點一個汁食，呢個冇乜大意見，就食下食下。枝豆就係叫黎送下酒。合理。去到每人個位有碟細細既前菜，並唔係 hea 俾中華沙律你食，係唔知乜乜蜆肉，辣辣地，幾開胃。其實，係有個原因令我地冇叫好多野食及轉場，因為個洗手間是蹲廁，幾個女仔如果要飲酒，去洗手間太唔方便，所以就走左了。