影片
更多
2017-09-23
2101 瀏覽
生活忙碌既香港，有時真係要放低一下繁鎖既工作，真正享受屬於自己既時間。朋友介紹下，黎到位於灣景花園商場保齡球場上既「陋室」感受一下。兩旁擺放著小沙發同木枱，放滿不同國家既小擺設同畫，帶有一點田園風味，而且寬敞既空間令人輕鬆不小呀！ 仲有岩小朋友玩既遊戲機。餐牌簡潔清晰。芒果蛋乳酪沙律配日本雞肉薯餅$48其實小店所創作既菜式，真係完全食得出老闆既心思陋室將新鮮美國芒果造既乳酪淋上沙律蛋同雞肉薯餅上，格外帶出份清新感，芒果既味道同平時食既好唔同，鮮甜不膩，味道剛剛好，清甜得黎好香芒果味！薯餅外鬆脆內軟，炸得唔會好乾，入口軟綿綿咁，薯味極為濃郁，唔會好似有啲炸薯咁硬同要咬得費勁。。。 配合清新芒果乳酪醬汁，別有一番風味黑椒鹹豬手熱狗 $45 配鹽酥雞 （+$8 轉）呢個配搭相當特別，因為豬手肉好容易好韌。但驚喜地，小店鹹豬手肉質鬆化，不費吹灰之力已經連熱狗包一齊咬開，配合埋焗溶左既芝士，又真係幾好食喎，鐘意食豬手既朋友仔一定會愛上！鹽酥雞好鬆化，炸得剛好，唔會整親個口，有「酥」既效果，肉汁好豐富而且好細嫰，唯獨有小小雞粒未夠熟海鮮拼盤$78（炸蝦，炸帶子，炸魚柳，粟米墨魚餅，洋蔥圈）滿滿的海
生活忙碌既香港，有時真係要放低一下繁鎖既工作，真正享受屬於自己既時間。
朋友介紹下，黎到位於灣景花園商場保齡球場上既「陋室」感受一下。
兩旁擺放著小沙發同木枱，放滿不同國家既小擺設同畫，帶有一點田園風味，而且寬敞既空間令人輕鬆不小呀！ 
仲有岩小朋友玩既遊戲機。
餐牌簡潔清晰。
芒果蛋乳酪沙律配日本雞肉薯餅$48其實小店所創作既菜式，真係完全食得出老闆既心思
陋室將新鮮美國芒果造既乳酪淋上沙律蛋同雞肉薯餅上，格外帶出份清新感，芒果既味道同平時食既好唔同，鮮甜不膩，味道剛剛好，清甜得黎好香芒果味！
薯餅外鬆脆內軟，炸得唔會好乾，入口軟綿綿咁，薯味極為濃郁，唔會好似有啲炸薯咁硬同要咬得費勁。。。 配合清新芒果乳酪醬汁，別有一番風味
黑椒鹹豬手熱狗 $45 配鹽酥雞 （+$8 轉）呢個配搭相當特別，因為豬手肉好容易好韌。
但驚喜地，小店鹹豬手肉質鬆化，不費吹灰之力已經連熱狗包一齊咬開，配合埋焗溶左既芝士，又真係幾好食喎，鐘意食豬手既朋友仔一定會愛上！
鹽酥雞好鬆化，炸得剛好，唔會整親個口，有「酥」既效果，肉汁好豐富而且好細嫰，唯獨有小小雞粒未夠熟
海鮮拼盤$78（炸蝦，炸帶子，炸魚柳，粟米墨魚餅，洋蔥圈）滿滿的海鮮拼盤，老闆真係一啲都唔會嗇色…
金黃色既炸物都好吸睛，油紙上無乜油積，最欣賞係佢既炸物唔會太乾性又做到鬆脆既效果呀！
岩晒我呢啲又怕肥但又為食既人！ 要讚下個洋蔥圈，好濃厚既洋蔥味，我家附近都好有間出名炸洋蔥圈既，但相比下，陋室既較為出色！
安神助眠茶 跟餐（+$32）花茶味道好清香，慢慢待水沸起之後品嚐，一陣陣洋甘菊同薰衣草味溢出，飲完可以再加水，非常適合一路傾計，一路慢嚐… 如果再加埋一啲輕音樂，一定會唔捨得走!
深深感受到「陋室」老闆對食物既執著同細心，揀選既食材亦係會因應不同季節，唔會將貨就價，好有heart, 而且仲可以預約花藝課程可以同小朋友一齊制作拎走制成品外仲可以無限添飲花茶！咁有心經營既小店，一定要撐！
張貼
