影片
更多
2010-09-16
7 瀏覽
星期日中午，同老公行開吉之島，想食D簡單開胃嘢，醒起雜誌推介過附近有間吃麵好似noodle concepts的餐廳，於是打電話問了地址，走入去試試！當天由於是星期日，都有不少人等緊，不過好快就安排到位比我哋。看見餐牌及推介，原來間餐廳並非只是有麵食，仲有小食、甜品同特色飲品添，於是每樣都叫D來試試，先叫了日式芝麻醬凍豆腐花同花彫醉牛脷托，好喜歡日式芝麻醬凍豆腐花，D醬汁配對滑滑豆腐花，一流！而花彫醉牛脷托也想不到咁好味，一直對牛都麻麻，不過好細介紹到，就即管試試啦！又是估唔到，粒粒淡淡肉，吃落口Feel到新鮮用料的感覺。我老公仲講間餐廳都好 dum 本，連旁邊D配菜都用靚嘢，他話你去超級市場睇(Taste) 就知價，所以連配菜都食埋。吃完小食之後好開胃，我叫了豬扒冬蔭湯摻摻，摻摻有兩種質感，米粉+油麵，好特別。諗住一碗麵多極有限，點知份量咁多，D豬扒又多又超好味，外層脆但內層有汁，食開豬扒就知同快餐店D有好大分別，差唔多價錢，但味道相差好多！值得推介！老公就叫了碗貴D的牛坑腩蝦子清湯油麵，他話D料好新鮮！份量都好多，我試了兩口，果然貴得有道理，味道濃中帶鮮！唔！很不錯。由於份量多的原因
星期日中午，同老公行開吉之島，想食D簡單開胃嘢，醒起雜誌推介過附近有間吃麵好似noodle concepts的餐廳，於是打電話問了地址，走入去試試！當天由於是星期日，都有不少人等緊，不過好快就安排到位比我哋。
看見餐牌及推介，原來間餐廳並非只是有麵食，仲有小食、甜品同特色飲品添，
於是每樣都叫D來試試，先叫了日式芝麻醬凍豆腐花同花彫醉牛脷托，好喜歡日式芝麻醬凍豆腐花，D醬汁配對滑滑豆腐花，一流！而花彫醉牛脷托也想不到咁好味，一直對牛都麻麻，不過好細介紹到，就即管試試啦！又是估唔到，粒粒淡淡肉，吃落口Feel到新鮮用料的感覺。我老公仲講間餐廳都好 dum 本，連旁邊D配菜都用靚嘢，他話你去超級市場睇(Taste) 就知價，所以連配菜都食埋。
吃完小食之後好開胃，我叫了豬扒冬蔭湯摻摻，摻摻有兩種質感，米粉+油麵，好特別。諗住一碗麵多極有限，點知份量咁多，D豬扒又多又超好味，外層脆但內層有汁，食開豬扒就知同快餐店D有好大分別，差唔多價錢，但味道相差好多！值得推介！老公就叫了碗貴D的牛坑腩蝦子清湯油麵，他話D料好新鮮！份量都好多，我試了兩口，果然貴得有道理，味道濃中帶鮮！唔！很不錯。由於份量多的原因，我們兩個都食得好飽，剩下不少油麵！
雖然好飽，但見到他們D特色飲品同甜品好吸引，於是抖了一抖，再試埋紅豆鮮奶特飲同叫了一客芝麻糕，兩款東西都係在其他地方食唔到，紅豆鮮奶特飲唔似紅豆冰咁，飲落口感到好健康好有咬感，真不錯！至於芝麻糕，聽老細講係芝麻粉是人手磨的，而食落真你好好味，難以形容！我仲叫多兩客作宵夜添！
最後，原本只係想食碗麵，竟然都試了唔少嘢！肚脹得飽飽的，但難得的那份滿足感，令人心情愉快！阿媽講得啱： “一分錢，一分貨”，下次帶埋她來食！
張貼